Press "Enter" to skip to content

Božić v zagorske hiže

Božić v zagorske hiže

Pita mali Štefek mamu: „ Zakaj tata nosi slamu,

televizor  mi gasiš, a navek z menu glediš?

Zakaj morame moliti ak očeme jesti iti?

Daj, reči mi, moram znati, ili nebum mogel spati!“

 

Mama dete k sebi stisne, podraga mu lasi,

sveću vužge sred kruheka sijalicu zgasi.

I započne tihe, tihe, Štefeku na vuhe:

„ Isusek je z neba došel, takve noći gluhe.

 

Moral se je rodit v štale,  vu hižu im niesu dali,

od vrat su do vrat prosili, ali si su ih tirali.

Na kraju  med volem, oslem  Bogek se narodil,

a došel je ljudem reći: ‘V nebe vas bum vodil!’

 

Zate tata nosi slamu, a sveća gori

da i k nam bi Isus došel, da nam srca premeni.

Da bi mira nam podelil i blagoslov neba,

da razmemo jedni druge; a kaj nam već treba?“

 

Dok je dečec lepe zaspal v krilu svoje mame,

jedna zvezda se spustila vu hižu sred slame.

Gde još mati dete ziblje vu svili il’ slami

Isusek se  navek rodi; i tu Bog je z nami!

Zabok 27.11. 2017.  Marijan Culjak

 Dragi župljani i ljudi dobre volje!

 Emanuel, ‘s nama Bog’ neka ovog Božića postane: U nama Bog i mi u Bogu.!  Radostan i Blagoslovljen Božić želi vam župnik sa suradnicima!